Badatoz bueltan Falerina lorategia umorez beteko duten ikuskizunak: Irri Barra Gauak. Ziklo honen baitan bi saio eskainiko dira aurtengoan; Esti Curielen 35 huts bakarrizketa eta Tranpola antzerki konpainiaren Txilin hotsak mikroantzerkia. Bigarren honen kasuan, bi saio eskainiko dira.
Yolik bideari ekin dio txilin hotsez lagunduta. Horiek dira, hutsik dauden kristalezko poto horiek, besterik ez, doan lekura eramango duen gauza bakarra.
Yoli gaixoa!
Ibilbide horretan hainbat gertakari, pasarte, eta komeria biziko ditu gure protagonistak.
Umore absurdoak eztanda egingo du 20 minutuko antzezlan honetan.
Konpainia
Tranpola talde gaztea da (2013, Gasteiz), baina bidean jarraitu nahi du ekinez, ikasiz eta erakutsiz. Tranpolak bertako sortzaileekin gustura egiten du lan (oraingoan Ane Gebara deitu dute proiektuan lan egiteko), eta kolaborazioak ere atsegin ditu (Metrokoadroka kolektiboaren kanpo-begirada). Ateak irekita izatea ere gustatzen zaio Tranpolari, eta horregatik, arte eszenikoen arteko zubiak eraikiz, hazten eta sendotzen ari da.
Talde artistikoa:
Antzezleak: Ane Gebara eta Josune Velez de Mendizabal
Laguntza eta kanpo-begirada: Metrokoadroka kolektiboa
Ekoizpena: Tranpola