Aranzadiko lagunak adituak dira putzu eta hezeguneetan ikerketak egiten eta Hezeguneen Mundu Mailako eguna gurekin ospatzera etorriko dira Uliara. Mikroklima egitasmo parte hartzailea dute esku artean eta beraiekin batera parte hartzeko aukera paregabea izango dugu aurten ere, edozein kontserbazio egitasmok barneratu behar dituen ekintzak egingo ditugularik: ikerketa, kudeaketa eta dibulgazioa. Interpretazio zentroan azalpen batzuk jaso ondoren, Uliako putzu sareko bi hezegunetan ikerketa eta kudeaketa ekintzak garatuko dira, alde batetik Uliako mikrohezeguneetako bizidun txikiak ezagutarazi eta balioan jartzeko, eta bestalde putzuen erakargarritasun biologikoa handitzeko kudeaketa ekintza xumeak gauzatuko dira. Animatu parte hartzera!