abere ba, zeinu, esanahi eta hizkuntzarekin jolasten duen proiektua da.
Proiektuaren atal nagusia, abere ba liburua da, baina erakusketak, tailerrak eta emanaldi bat ere baditu bere baitan.
abere ba liburuaren aurkezpenarekin batera palindromo tailer bat egingo da parte hartzera animatzen diren guztiekin.
Tailer honetan ondo pasatzea eta dibertitzea izango dira helburu nagusiak: palindromo bat zer den jakin, palindromo mota ezberdinak ezagutu eta teknika ezberdinak erabiliz eta hitzekin jolastuz palindromoak osatuko dira euskaratik eta euskaraz.
Aurkezpena eta tailerra bigara osatzen duten Itziar Aranburuk eta Jon Ander Garciak gidatuko dute, gure hizkuntza eta alfabetoa animaliengandik eratorria dela baieztatzen duen bikoteak, hain zuzen ere.