Iparragirre 1820an munduratu zen, beraz sortu zenetik 200 urte ospatuko dugu. Hori dela eta, bi kultur
enpresa, Tanttaka teatroa eta Demode Quartet, eta Loraldia kultur elkartea elkartzen dira sormen-lana plazaratzeko asmoarekin, “IPARRAGIRRE, bihotzeko Jose Mari”
KONTZERTU ESZENIKOA
Sustatuko dugun sormena arte eszeniko eremuan kokatzen da. Teatro-lan honek kontzertu bat eskainiko du, Iparragirreren ekarpen musikala erdigunean kokatuko baitu. Bardoaren kantak moldaketa garaikidearen bidez aurkeztuko dira.
Iparragirrek hamaika kanta bikain sortu zituen. Horietako asko bi mende ondoren herriak kantatzen ditu maiz. Horrez gain, batzuk ereserki bihurtu dira. Beraz, arlo musikalak leku nabarmena izango du.
EMAKUMEAK, PROTAGONISTA.
Dramaturgiari dagokionez, Iparragirreren bizitzan nabarmendu ziren emakumeak bilduko ditugu eta sormenaren protagonistak (ama, emaztea, Parisen ezagutu zuen sopranoa, Manuela, alabak…) izango dira. Emakume hauek Iparragirreren bizipenak ekarriko dituzte gogora eta euren begirada eskainiko digute.
XIX. mendeko gizartea (gerra karlistak, emigrazioa, euskaltasuna…) islatuko da bardoaren bizi-pasarteak errepasatuz.
Teatro-lanaren gidoiari dagokionez, emakumeek Iparragirreri bidalitako eskutitzek osatuko dute aktoreen testua. Fikziozko eskutitzak izango dira eta idazki guztien artean Urretxuko bardoaren biziaren puzzlea osatuko da.
FITXA ARTISTIKOA
Ekoizpena: Tanttaka teatroa, Demode Quartet , Loraldia Festibala
Zuzendaritza artistikoa: Fernando Bernues (Tanttaka Teatroa)
Zuzendaritza musikala: Joli Pascualena (Demode Quartet)
Testugileak: Aizpea Goenaga, Arantza Iturbe, IñigoLegorburu IñigoLegorburu
Aktore-kantariak: Joli Pascualena, Ainara Ortega, Ane Gabarain
Musikaria: Angel Unzu
Kartelaren diseinua: Unai Molina
Komunikazioa Amaia Ocerin
Ekoizpen koordinazioa: Aitor Narbaiza/ Imanol Agirre.