Herri txiki zoragarria da Eguzkierri, eta bertan bi lagun handi bizi dira: Sebastian elefantea eta Mitxi katemea. Azkenaldian, ordea, oso atsekabetauta daude Sebastian, Mitxi eta beste herritar ia guztiak, beren alkate maitea, Jeronimo Braulio Seberin Olsen -eurek maitekiro “JB” esaten diotena- desagertu egin baita. Eta JB ez dagoenez, Txist alkateordeak hartu du agintea. Haren jokabide makurrak goibeldu egin du herria, eta JB agertu ezik, Txist betiko jabetuko da haren karguaz.
Baina halako batean, Sebastian eta Mitxi arrantzan joan diren egun batean, botila bat topatu dute. JBren mezu bat dago barruan, eta hazi bitxi bat. JBri itsasontzia hondoratu omen zitzaion, eta bizirik dago uharte misteriotsu batean. Salbatzera joateko eskatzen die Sebastian eta Mitxiri, baina horretarako hiru oztopo handiri aurre egin beharko diete: pirata ankerrei, itsas herensuge izugarriari eta itsaso gaua-bezain-ilunari. Horretara ba, Sebastian elefante ikaratiak eta Mitxik, urari beldur dion kateme abenturazaleak, lortuko al dute ausardia biltzea JB salbatzera joateko eta Eguzkierri garaiz salbatzeko Txist gaizto zitalaren hatzaparretatik?