Event Detail
Engruna Teatre, talde katalalanak estrainekoz Euskal Herrian aurkezten digu "Loops". Zig eta Zag, zerbaiten bila dabiltzaten bi pertsonaia dira. Jakinahiak mugiarazten ditu. Batak sorbaldan pisu astuna darama, horregatik astiro baina etengabe dabil; besteak ez du ezer eramaten, salbu buru gainean daukan kutxatxoa, non bere bizipen guztiak gordetzen dituen.
Bata esperientzia da, bestea, esperientzia eza. Batak biolontxeloa jotzen du, besteak, txirula…. Munduan zehar birak ematen, topo egingo dute eta topaketa horrek hazi egingo ditu, bata hustuko da eta bestea beteko da.
LOOPS denboraren igarotzearen jolasa da, bizitzari, jarraipenaren eta ondarearen ideiari kanta. Hori guztia, objektu, zuzeneko musika, txotxongilo eta antzezleren bidez azalduta. Zoragarria!
